„No Finish Line“ е уникатен хуманитарен настан во кој секој може да учествува – со трчање или пешачење, без разлика на возраста и физичката подготвеност. Во текот на 100 часа, секој изминат километар придонесува кон собирање средства за хуманитарна цел.
Оваа година – за Козле
Средствата собрани во рамките на „No Finish Line Skopje“ ќе бидат наменети за ЈЗУ Универзитетска клиника за респираторни заболувања кај децата – Козле, со цел подобрување на условите за лекување и унапредување на здравствената грижа за нашите најмлади пациенти. Секој чекор, секој изминат километар и секое учество претставуваат поддршка за децата кои се лекуваат во нашата Клиника.
ЈЗУ Универзитетска клиника за респираторни заболувања кај децата – Козле со особено задоволство ја поддржува и се приклучува кон хуманитарниот настан „No Finish Line Skopje“, кој ќе се одржи од 9 до 13 септември 2026 година во Скопје.
Ве повикуваме да ни се придружите на оваа прекрасна иницијатива. Трчајте, пешачете, движете се – и помогнете заедно да направиме нешто добро за децата од Козле.
📅 9–13 септември 2026
🏃 100 часа трчање и пешачење
Бидејќи секој чекор значи надеж.
А за децата – нема финиш.