Лекување на пациенти со тежок респираторен дистрес и критични состојби кои бараат континуирана медицинска нега.
Одделот за интензивна терапија и нега лекува пациенти кои имаат средно-тежок до тежок степен на респираторен дистрес, одреден според однапред дадени критериуми, интерни протоколи и процедури од 2025 година, кои се донесени во согласност со најновите протоколи и насоки од европските и австралиските педијатриски универзитетски клиники и здруженија, а прилагодени на условите на нашата земја со цел унифициран современ пристап и третман на пациентите. Се лекуваат и деца со тежок акутен дизбаланс на внатрешната средина како резултат на тешка дехидратација, септична состојба или анафилактична реакција и сите останати состојби за кои е потребна континуирана медицинска нега и следење на витални параметри, како и респираторна поддршка.